Sa regioni Sardigna at publicau s’avisu po finantziai cuncertus e cunvènnius a pitzus de sa Die de sa Sardigna, cuncordaus dae is Entis Localis a manu de pari cun istitutus scolàsticus, Universidadis, assòtzius musicalis e àterus sugetus culturalis.
Is atividadis finatziadas ant a dèpiri cumentzai su 28 de abrili de su 2024 e ant a dèpiri acabbai intra de su mesi de maju de su 2024.
Sa Regioni cun custu avisu at a finantziai:
- cunvènnius e prusatotu is ispesas chi pertocant is arrelatadoris (cumpensus, rembursus po su viàgiu, vitu e allogu), sa realizatzioni de àudius, vìdeus e de imprenta e is ispesas po prumovi is eventus.
- cuncertus e prusatotu is ispesas chi pertocant is artistas (cumpensus, rembursus po su viàgiu, vitu e allogu), sa realizatzioni de àudius, vìdeus e de imprenta e is spesas po prumovi is eventus.
Sa domanda tocat a dda mandai intra e sena sartai su 23 de abrili de su 2024 a mesudì, scerti a mesu PEC a s’indiritzu pi.cultura.sarda@pec.regione.sardegna.it
