S’Assessoradu regionale de s’agricultura at publicadu su decretu cun sos critèrios de gestione de sas atividades de sa pisca chi tenent sa punna de tutelare su purpu comune (Octopus vulgaris) in sas abbas territoriales de su Gulfu de Aristanis dae Capo Frasca a Capo San Marco.
Dae su 1 de làmpadas e fintzas a su 31 de trìulas 2022:
- est vietadu de cassare su purpu comune (Octopus vulgaris) cun cale si siat aina de sa pisca professionale (nassas, ainas de posta, àteru);
- est vietada sa pisca isportiva e ricreativa de su purpu comune (Octopus vulgaris);
- su purpu comune (Octopus vulgaris) cassadu pro casu, luego depet èssere torra betadu in mare;
- a totus sas barcas abilitadas a operare pro sa pisca professionale in su cumpartimentu de Aristanis est vietadu s’impreu de nassas prus piticas de 80 tzentìmetros de artesa e 30 tzentìmetros de diàmetru (de sòlitu impreadas pro piscare su purpu);
- est vietadu a sos piscadores pro isport e ispàssiu de impreare nassas.
(MM
