Cunforma a su Pianu de Protetzioni Tzivili Regionali, si fait a sciri ca su Tzentru Funtzionali Decentrau de Protetzioni Tzivili – Setori Mèteu at bogau un'avèrtia po basca meda movendi de is 6 de custu mangianu (18 de làmpadas de su 2024) finas a is 8 de merii de su 20 de làmpadas.
Segundu a is previsionis s'ant a tocai temperaduras màssimas chi sartant is 40 gradus e cussas mìnimas chi podint sartai finas is 25 gradus.
Po tanti si consillat de non bessiri de domu de is mesudii a is 6 de merii, de s'oprigai de su soli ammantendi ventanas, papai a ligeru e po su prus fruta, de bufai meda ma lassendi a una parti is arcòlicus e cafèi, de bistiri lèbius e a colori craru lassendi stai arroba sintètica, de no ammantai meda is malàdius.
Po su prus depint abarrai a s'avèrtia totu is sugetus a arriscu: bècius, pipieddus, a chi est pighendi meixinas e a chi fait traballu o esercìtziu fìsicu in foras.
