Sa Diretzione generale de s’Istrutzione Pùblica, Assessoradu de s’Istrutzione Pùblica, Benes culturales, Informatzione, Ispetàculu e Isport, at publicadu s’avisu pùblicu pro fàghere, is iscolas, bìsitas ghiadas in logos archeològicos, museales, culturales de importu in su territòriu regionale e pro fàghere progetos ispetziales, deretos prus de totu contras a sa dispersione iscolàstica, pro is annos 2024, 2025 e 2026.
S’interventu favoresset unu turismu iscolàsticu profetosu a sa connoschèntzia de su patrimòniu mannu sardu archeològicu, museale e culturale de Sardigna.
Podent intregare rechesta de cuntzessione de su contributu is Istitutziones Iscolàsticas de Sardigna (siat Autonomias iscolàsticas istatales siat Iscolas no istatales paritàrias) chi tenent iscola primària, iscola segundària de primu gradu e iscola segundària de segundu gradu.
Sa rechesta de cuntzessione de su contributu si depet compilare impreende mòdulu aposta pro is duas lìnias bìsitas ghiadas e progetos ispetziales.
Sa rechesta dda depet firmare su rapresentante legale de s‘istitutzione iscolàstica a manera digitale o a manu ma acumpangiada de documentu de reconnoschimentu.
Si podent amìtere a finantziamentu finas a unu màssimu de tres bìsitas ghiadas e duos progetos ispetziales pro onniunu de is tres annos postos in contu.
Pro nde ischire de prus e pro is iscadèntzias tocat a lèghere s’avisu cumpletu in su giassu de sa RAS.
