Si faghet a ischire a is istudiantes iscritos in s'annu acadèmicu 2023-2024 in is Universidades de Casteddu e de Tàtari, ca pro pòdere benefitziare de s'esòneru de sa tassa regionale de deretu a s'istùdiu, tocat a autodecrarare de tènnere is rechisidos faghende sa protzedura telemàtica chi est a disponimentu in sa pàgina https://sus.regione.sardegna.it/sus/searchprocedure/details/10983.
Podent benefitziare de s'esòneru is istudiantes chi faghent parte de nùcreos familiares cun rèditu cumplessivu lordu non prus artu de € 25.000.
S'at a pòdere mandare sa decraratzione movende dae s'ora de is 10:00 de mangianu de su 12 de martzu finas a mesunote de su 15 de abrile de su 2024.
Is istudiantes iscritos, in s'annu acadèmicu 2023-2024 a is cursus in sa Facultade Pontifìtzia Teològica, in is Cunservatòrios de Mùsica de Casteddu e Tàtari, in is Istitutos de Iscièntzias Religiosas de Casteddu e Tàtari-Tèmpiu, in s'Acadèmia de is Artes Bellas de Tàtari, no ant a dèpere impreare sa protzedura telemàtica acontessende de àere giae atèndidu in àtera manera (intregu a s'ufìtziu protocollu de s'ASE, speditzione a posta eletrònica, intregu a manu a is Istitutos in tempus de iscritzione).
Pro nde ischire de prus faghet a castiare sa pàgina https://www.agenziasardaentrate.it/servizi-tributi/tassa-regionale-diritto-allo-studio/
