S'Agentzia Sarda de is Intradas (ASE), pro contu de sa Regione Autònoma de Sardigna bolet agiudare is initziativas imprenditoriales e professionales, reconnoschende un'agevolamentu cun sa punna de favorèssere s'isvilupu e sa crèschida de is comunos pitios.
Sa mesura serbit a parare fache a s'ispopulamentu e est deretu a impresas chi tenent s'atividade in is comunos cun populatzione prus bàscia de 3000 bividores a sa data de su 31 de su mese de idas de su 2020.
S'agevolamentu est unu crèditu de imposta subordinadu a s'emanatzione de risolutzione aposta de s'Agentzia de is Intradas chi detzidet su còdighe tributu de impreare e sa manera operativa.
S'istàntzia de cuntzessione de su crèditu de imposta tocat de dda intregare cun protzedura telemàtica in sa prataforma SIPES, in ue faghet a intrare dae su giassu istitutzionale de s'Agentzia Sarda de is Intradas movende dae su 15 de abrile de su 2024 intro de su 25 de cabudanni de su 2024.
Podent gosare de su crèditu de imposta, is impresas chi resurtant àere fissadu su domitzìliu fiscale in Sardigna e àere pesadu a su mancu un'unidade operativa ativa in su territòriu de unu comunu pitiu de sa Sardigna intro de su 31.12.2020.
Pro nde ischire de prus càstia su giassu istitutzionale de sa RAS.
