Sa Giunta Regionale, cun delìbera n.15/32 de su 30 de maju de su 2024, at aprovadu is propostas de s'Assessora de s'Istrutzione Pùblica, Benes Culturales, Informatzione, Ispetàculu e Isport.
Duncas a manera definitiva at aprovadu sa delìbera de G.R. n.11/12 de su 30 de abrile de su 2024, in mesu a totu at stabilèssiu ca pro traballare in is Servìtzios Linguìsticos, in Isportellos e Formatzione, tocat a tènnere sa tzertificatzione linguìstica C1, pro su sardu e pro su cadalanu de S'Alighera, sa tzertificatzione NARA-MI pro is variedades alloglotas e ca custa ùrtima tzertificatzione orale si depet cunsiderare premialidade in is protzeduras de seletzione in Entes Locales.
