Sa Giunta regionale in sa setziada de su 30.04.2024 at aprovadu su Pianu regionale de previsione, preventzione e gherra ativa contra a su fogu de is padentes 2023-2025, agiornamentu 2024.
Intre de su Pianu ddoe sunt is Prescritziones regionales contra a su fogu.
Pro tantu non faghet a fàghere a totu annu, totu cussas atziones chi pro cunditziones meteoròlogicas, pro s'istadu de sa vegetatzione e pro ainas perigulosas impreadas podent ocasionare fogu in is padentes.
Acontessende de bìere fogu tocat a ddu sinnalare pro ddu istudare impresse, telefonende a su nùmeru 1515 de su Corpus Forestale e de Vigilàntzia Ambientale (CFVA) o a su 112 nùmeru ùnicu pro is emergèntzias.
A su matessi acontessende de tènnere informos a subra de su responsàbile de su fogu tocat a ddu sinnalare a is nùmeros giai remonados.
A partire dae su 1 de maju e finas a su 31 de su mese de ladàmene su Tzentru Funtzionale Detzentradu (CFD) de sa Protetzione Tzivile at a bogare su bulletinu iscerende is livellos de perìgulu pro iscapare fogu, mentras de su 1 de làmpadas at a mòvere sa simana de perìgulu artu de fogu in is padentes.
In custa simana, in mesu a tantu, non faghet a allùere fogu (sarvu cun autorizatzione), ismartire bràgia, a impreare ainas chi faghent ischinchiddas, fulliare dae is veturas o lassare in terra, alluminos, sigarros o sigaretas o allùmios de àtera genia. Is meres o is chie tenent terras ddas depent limpiare e fàghere doas comente s'ispetat.
Pro nde ischire mègius e de prus lighe is Prescritziones regionales
