Sa RAS, cun decretu de s'Assessore de sa Defensa de s'Ambiente, protocollu n.833 de su 23 de freàrgiu de su 2024 at aprovadu su Pianu operativu de gestione e controllu de is populatziones de sirbone in su territòriu de sa Provìntzia de Aristanis pro is annos 2023-2026, s'Integratzione valutatzione de incidèntzia pianu operativu e su Disciplinare.
Sa Provìntzia de Aristanis at a dèpere pònnere in pràtica su Pianu de controllu e fàghere una relata, a fine a fine, iscriende su cronoprogramma de is fainas e sa manera chi at a impreare pro ddu pònnere in pràtica. Sa relata est de mandare a su Servìtziu Tutela de sa Natura e Polìticas Forestales de s'Assessoradu de sa Defensa de s'Ambiente.
In prus a intro de su 31 de ghennàrgiu de ònnia annu sa Provìntzia nche at a a dèpere mandare, semper a s'Assessoradu de sa Defensa de s'Ambiente una relata de totu is fainas fatas.
