S’Assessoradu de s’Istrutzione Pùblica, Benes culturales, Informatzione, Ispetàculu e Isport de sa Regione Autònoma de Sardigna at publicadu s’avisu subra is laboratòrios didàticos extracurriculares “LAB@Iscola” pro is annos iscolàsticos 2024/2025 – 2025/2026 – 2026/2027.
Sunt benefitziàrios de s’interventu is Autonomias iscolàsticas istatales e is Iscolas no istatales paridàrias de Sardigna cun iscolas primàrias, iscolas segundàrias de primu gradu e iscolas segundàrias de segundu gradu.
Is destinatàrios de s’interventu sunt is istudiantes de is istitutziones arremonadas in antis e si seberant cunsiderende:
- sa frecuèntzia bàscia iscolàstica e pagu incoramentu e duncas a riscu abbandonu, sinuncas is chie si agatant in istadu de disabilidade o sunfrint de disturbos de aprendimentu chi iant a portare a s’abbandonu iscolàsticu;
- apant manifestadu dificultade a s’abitare e a cuncordare cun is cumpàngios;
- tennent situatzione de debilesa;
- non tennent cumportamentu paghiosu cun sa classe.
Is àmbitos de interventu sunt 6 e tocant s’Educatzione a sa Tzitadinàntzia Globale, s’Educatzione digitale, s’Arte e Creatividade, Limbas, Innovatzione e Imprenditorialidade, Àrea salude e Benèssere.
S’Istitutzione iscolàstica at a pòdere seberare finas a tres àmbitos inditende-nde unu comente a prioritàriu.
Sa dimanda pro pigare parte a s’avisu tocat de nche dda mandare a manera telemàtica in su SIPES (“Sistema Informativo per la gestione del processo di Erogazione e Sostegno”).
Pro nde ischire de prus tocat a andare a su giassu de sa RAS.
