S'Assessoradu de s'Istrutzione Pùblica, Benes culturales, Informatzione, Ispetàculu e Isport de sa Regione Autònoma de Sardigna at publicadu s'avisu fadende a ischire ca at torradu a abèrrere is tèrmines de s'avisu pùblicu aprovadu cun DDS 649 de su 30.03.2023, pro sa costitutzione de su Catàlogu de laboratòrios didàticos foras de oràriu curriculare in limbas minoritàrias sardu e cadalanu de S'Alighera e in is variedades alloglotas tataresu, gadduresu e tabarchinu, chi pertocat is annos iscolàsticos 2023/2024 e 2024/2025.
Ant a pòdere intregare dimanda:
-
Is chi no ant pigadu parte a s'avisu aprovadu cun DDS de su 30.03.2023
-
Is chi ant pigadu parte a s'avisu aprovadu cun DDS de su 30.03.2023 ma chi bolent pigare parte cun àteru progetu cun rèvoca de unu giai postu in su catàlogu
-
Is chi bolent revocare unu progetu giai postu in Catàlogu
-
Is chi, pro unu progetu giai postu in Catàlogu, bolent mudare su nùmeru de editziones pro s'A.S. 2024/2025.
Sa dimanda pro nde pigare parte depet arribare a PEC a s'indiritzu pi.cultura.sarda@pec.regione.sardegna.it intro de mesudie de su 12.07.2024 e s'at a dèpere istèrrere cunforma a is mollos aunidos a s'avisu.
Pro nde ischire de prus bae a su giassu de sa Regione
