Sa Regione Sardigna at incarreladu sa protzedura de reconnoschimentu regionale de is museos e de is ragortas museales de sa Sardigna pro s'annualidade 2024, pro si fàghere pònnere in s'Albu regionale de is Istitutos e Logos de sa cultura e in su Sistema Museale Natzionale.
Sa protzedura si faghet in sa prataforma de su MIC e serbit a apurare is rechisidos de calidade de sa valorizatzione chi abisòngiant.
Podent fàghere rechesta de reconnoschimentu:
a) is museos e is ragortas museales regionales,
b) is museos e is ragortas museales de is entes locales e de is cunsòrtzios de entes locales,
c) is museos e is ragortas museales de is fundatziones e de is assòtzios chi nde pigant parte is entes locales,
d) is museos e is ragortas museales de interessu locale, chi sa titulariedade portat a entes pùblicos no istatales, eclesiàsticos e a sugetos privados.
Is museos e is ragortas museales chi tenent is rechisios mìnimos chi serbint, podent intregare rechesta de ammissione a sa protzedura de reconnoschimentu movende dae su 1 de abrile du 2024 a su 10 de abrile de su 2024, a sa PEC pi.beniculturali@pec.regione.sardegna.it impreende su mollu aposta.
A pustis de àere, su Servìtziu Patrimòniu Culturale, Editoria e Informus, traballadu a sa ragorta de totu is datos, su diretore de su museu o su delegadu a sa cumpilatzione po sa ragorta museale podet intrare a sa prataforma de su Ministeru de sa Cultura crachende in: https://sistemamusealenazionale.beniculturali.it/ e incarrelare a sa cumpilatzione de su chistionàriu de autovalutatzione.
S'intrada a sa prataforma est assegurada dae is 9 oras de mangianu de su 12 de abrile. Su chistionàriu cumpiladu cunforma a is istrutziones e cumpretu de is allegados s'at a dèpere mandare intro de mesunote de su 13 de maju de su 2024.
Pro nde ischire de prus tocat a andare a su giassu istitutzionale de sa RAS.
