A sa de 36 editziones de su Salone de su Lìburu de Torinu, no ammancat sa Regione Autònoma de Sardigna chi proponet “Visiones”.
In su logu dedicadu a s'Ìsula, Pad 2 K114-L113, totu is dies nche ant a èssere autores, editores, gente de su mundu de sa cultura e laboratòrios pro pipios.
In mesu a tantu, giòbia 9, Nicola Dessì faghet connòschere “La preistòria della Sardegna” furriadu in limba sarda, inglesa e frantzesa.
Chenàbura 10 a is mesudie est in programma un'eventu dedicadu a Michela Murgia intituladu “Ricordatemi come vi pare”.
A su merie a is 5 e mesu s'at a regordare Enrico Atzeni archeòlogo, a sa pròpia ora Giuseppa Tanda archeòloga de s'Universidade de is Istùdios de Casteddu at a ufitzializare sa candidadura a s'UNESCO de is Domus de Janas.
Domigu 12 de maju a is mesudie su giornalista Luca Talese at a regordare Gigi Riva in s'addobiada intitulada “Un Rombo di Tuono dal Cielo”.
Acabbende, lunis 13 de maju a is 11 e mesu de mangianu Duilio Caocci chircadore de s'Universidade de Casteddu at a regordare Maria Giacobbe cun “Radici”.
