Sa Ras at publicadu s'avisu cun sa cunvocatzione e su calendàriu de is provas de s'esàmene pro is candidados ammìtidos a fàghere sa prova pro otènnere sa tzertificatzione linguìstica provisòria isperimentale de sa limba sarda – livellu C1 – segunda sessione – maju 2024.
Is provas s'ant a fàghere in Casteddu, in su Polu Umanìsticu “Sa Duchessa” in sa bia de Is Mirrionis n.1, in is dies martis 7 de maju de su 2024 a sa 1 de meigama, mèrcuris 8 e giòbia 9 in oràrius h 9:30 o h 15:00 cunforma a sa lista chi remonat s'avisu.
Is candidados ant a dèpere andare a sa prova cunforma a su logu e ora comunicada in s'avisu, frunidos de documentu de reconnoschimentu bàlidu e de cùfias o auricolares pro sa prova de cumprensione orale. Non s'ant a ammìtere transiduras de sa prova de esàmene.
Pro nde ischire de prus e mègius tocat a lèghere s'avisu in su giassu de sa Regione Autònoma de Sardigna.