De sos prus de 640migia èuros chi sa Regione dat a 15 Comunes de totu sa Sardigna pro sos Ecotzentros e pro recuperare sos giassos in ue est istada fuliada àliga, 90mìgia sunt destinados a duos Comunes de sa Provìntzia de Aristanis.
Sos Comune sunt:
- Mragaxori, chi cun 80mìgia èuros at a fàghere unu ecotzentru nou e
- Arruinas, chi at retzire 10mìgia èuros pro recuperare àreas guastadas dae s’àliga fuliada.
Dd’at fatu ischire s’assessore regionale de sa Difesa de s’ambiente, Gianni Lampis, a pustis chi est istada aprovada sa delìbera. Sa Regione est impignada pro chi, in su 2022, si lompat a s’80% de regorta seberada de s’àliga. Gràtzias a s’impignu de sos tzitadinos, de sas amministratziones locales e de sa Regione, pro duos annos de sighidu, sa Sardigna est istada sa segunda regione in Itàlia pro sa cantidade de àliga urbana regorta a manera seberada.
(MM)
