I capìtulu: Cumpartziduras
Martis 12 trìulas a is 09,00 oras de merie (h. 21,00)
Su Giardinu retzit su Fèstival SetteSere SettePiazze SetteLibri
In antis de su Fèstival Cristian Mannu at presentare su romanzu suo Ritratto di donna (Mondadori)
Giacomo Mameli e Matteo Porru ant arresonare cun s’autore
Su libru - Duas fèminas acapiadas dae su ligàmene prus ìntimu e difìtzile: su de una mama e una fìgia. Sa fìgia, giai manna e fintzas issa mama, iscritora connota ma chi depet ancora assentare sa vida sua personale, chirca de pònnere paris sos cantos de unu discursu de amore chi dda ligat a sa mama antziana e a sa Sardigna, sa terra chi at lassadu annos in antis e a in ue est como torrada. Comente cantos de conchìglias ispartzinados in s’oru de su mare sos ammentos ddi punghent sa pedde e ddi faeddant de una bellesa antiga, ma non renessent a torrare paris a manera chi tèngiat sensu.
Comente est capitadu – cando e pro ite? – chi sa mama siat diventada una persone de si depet defensare e si nde fuire?
Ma dae a tesu totu pariat prus craru: su dolore, su abarrare a sa muda, su non si cumprèndere. Est prus fàtzile assignare ruolos e responsabilidade. Mudat sa vida nostra e mudant sos isetos. E cando in sa segunda parte de su romanzu sa chi contat est sa mama, su contu tenet elementos noos: colores noos, nuscos, formas. […]
Cristian Mannu est nàschidu e bivet in Sardigna. Cun s’òpera prima sua, Maria di Ísili (Giunti, 2016), at bintu sa de bintoto editziones de su Prèmiu Italo Calvino e sa prima editzione de su Prèmiu Fondazione Megamark. Est istadu fintzas finalista in su Prèmiu Berto, in su Prèmiu Dessì e in su Prèmiu Opera Prima 2016.
(MM)
