Eris 23 de freàrgiu 2023 in s’Antiquarium Arborense b’est istadu s’aperitivu culturale pro presentare su libru “Non è lei” de sa giornalista Maria Francesca Chiappe.
Sa presentatzione, inserida in una sèrie de atopos organizados dae sa Càmera penale pro faeddare de diritu, cultura e ètica, fiat aprontadu dae s’Assessoradu a sa Cultura de su Comune de Aristanis cun sa Fondazione Oristano, sa Càmera penale e s’Antiquarium.
Ant faeddadu s’autora Maria Francesca Chiappe, sa presidente de sa Càmera penale de Aristanis Rosària Manconi e sa giornalista Patrìzia Mocci.
Su romanzu “Non è lei”, ambientadu in Villasimius, faeddat de giustìtzia e informatzione pro mesu de s’istòria de una cronista televisiva chi chircat de bogare a campu sa veridade in contu de sa morte de un’amiga magistradu.
S’intrada a custos atopos est lìbera ma est mègius a prenotare telefonende a su nùmeru 0783.791262, mandende una e-mail a s’indiritzu visiteguidate@fondazioneoristano.it o mandende unu messàgiu WhatsApp a su nùmeru 375.6188060.
(GF.P.)
