Eris a merie est acabbadu su laboratòriu “In sa butega de sa poesia”, una faina de su programma de su “Cabudanni Aristanesu” pro imparare a pònnere mutetos a tres pees, repentinas a sa dereta e repentinas retrogadas cuncordada dae sa Biblioteca comunale de Aristanis a manos de pare cun s’Isportellu linguìsticu de sa Provìntzia de Aristanis (Avisu R.A.S. Tu.Li.S. 2024).
Est istadu iun’ispàssiu iscriere custas formas de poesia de su connotu de su Campidanu de Aristanis, de su Campidanu de Mesu e de sa Marmidda; su laboratòriu est serbidu:
- pro cumprèndere su sètiu mètricu-prosòdicu de custa genia de cumponimentos poèticos;
- pro afortiare sa connoschèntzia de su lèssicu de sa limba sarda, favorèssida fintzas dae su giogu de sas rimas;
- pro imparare sas règulas de iscritura de sa limba nostra.
Gràtzias a sos dischentes chi ant chèrfiu cumpartzire custa esperièntzia, a su Comune de Aristanis (Assessoradu de sa Cultura), a sa Biblioteca comunale de Aristanis e a sa Provìntzia de Aristanis (Setore Edilìtzia e Istrutzione – Ufìtziu amministrativu, Istrutzione pùblica e Limba sarda).
