Su Tzentru Sotziali Culturali Sardu de Milanu e sa Federatzioni de is Assòtzius Sardus in itàlia cuncordant po custa cenàbura, a is 3 e mesu de meigama in su Teatru “Dal Verme” in sa bia de Giovanni sul Muro 2 a Milanu, sa tzerimònia de premiatzioni de sa de 10 editzionis de su Prèmiu Internatzionali de Poesia in Lìngua Sarda, atobiada traditzionali po is emigraus sardus in su mundu.
Donat una manu de agiudu a su Prèmiu sa Fundatzioni Maria Carta (po s'ocasioni de s'8 de martzu a custa cantanti sarda s'at a aprofitai de ddi ligi una poesia).
Faint parti de sa Giuria de su Prèmiu prof. Simone Pisano de s'Universidadi po is Stràngius de Siena, Cristiano Becciu, Duilio Caocci, Clara Farina, Gonaria Floris, Dino Manca, Domitilla Mannu, Antonio Rossi e Salvatore Tola, espertus e studiosus de sa lìngua sarda.
In sa manifestatzioni s'atrici Clara Farina at a ligi is poesias chi s'ant a intreverai cun su cuncertu de is “Tazenda” a trinca acùstica, de is “Ensemble Classica Trio”, de is “Fantafolk Duo” e de Maria Giovanna Cherchi.
Presentat Giacomo Serreli.
S'intrada a su Teatru est a indonu.
