Su Comunu de Flussio at publicau su bandu de su prèmiu de poesia “S’Isciareu-Augusto Pinna” abertu a is poesias mai imprentadas o portadas in àterus cuncursus scritas in cali si siat variedadi fueddada in Sardigna.
Su prèmiu est partziu a duas setzionis:
A- sonetus, anca si podit pigai parti cun unu sonetu,
b- poesias in rima, anca si podit pigai parti cun una poesia chi non depit sartai is 50 versus.
Is poesias non depint essi giai imprentadas o publicadas o premiadas in àteru cuncursu.
Po is poesias scritas in cadalanu e tabarchinu est de òbrigu sa tradutzioni, mentras po su campidanesu e gadduresu est agradèssia ma non de òbrigu.
Is poesias si podint mandai o a posta eletrònica a s’indiritzu concorsopoesiaisciareu@comune.flussio.or.it o a posta ordinària (at a balli su timbru postali) a s’indiritzu: Prèmiu de poesia “S’Isciareu-Augusto Piras”, c/o Segreteria de su Comunu de Flussio, bia de Nazionale 69 Flussio (OR).
Is traballus si depint mandai aintru de su 20 de su mesi de onniasanti.
In totu e duas setzionis s’ant a premiai a dinai is primus tres arribaus, in prus nci ant a ai prèmius aposta comenti a su “Prèmiu Augusto Piras” e “Prèmiu Rotary Club Bosa”.
Sa premiatzioni s’at a fai s’11 de gennàrgiu de su 2025.
Po ndi sciri de prus ligi su bandu intreu in su giassu de su comunu de Flussio
