S’assòtziu Pro Loco “Cuvventu” APS de Busache at cuncordau su 26 de su mesi de ladàmini de su 2024, in s’àmbitu de “Busachi e is suoi colori” sa segunda editzioni de sa Rassinna de su cantu sardu, anca s’ant a esibiri cantadoris a cantu a tenori e a cantu polifònicu.
Sa rassinna s’at a fai in sa crèsia de Santu Domìnigu “Cunventu” a is 4 de meigama e ant a cantai:
- Tenore “Tuones” de Ulìana
- Tenore “Cultura Popolare” de Neoneli
- Coru polifònicu feminili “Su Nènnere” de Busache
- Coru Polifònicu maschili “Santa Usanna” de Busache
- Grupu folclorìsticu “Bella Mia” de Busache
A s’acabbu de is cantadas nci at a ai unu cumbidu e una gara poètica cun is improvisadoris Bruno Agus e Giuseppe Porcu cun s’acumpangiamentu de is tenores de Busache.
At a presentai sa manifestatzioni Stefano Cocco.
