S'Assòtziu Culturali “Atlem e Nicla” e sa Pro Loco de Spigno Monferrato (AL) cuncordant sa de tres editzionis de su Prèmiu literàriu internatzionali “Il vento dei calanchi”.
Su Prèmiu est deretu a totu is studiosus, scritoris e poetas chi apant giai fatu is 18 annus de edadi a su 15 de maju de ocannu, italianus o stràngius, bastit chi is òperas intregadas siant in lìngua italiana o in àtera lìngua ma cun tradutzioni italiana.
Su prèmiu est partziu in 4 setzionis:
A – narrativa mai imprentada prima a tema lìberu, ma s'ant a apretziai is traballus chi pertocant is Calanchi, sa natura e su paesàgiu;
B – poesia mai imprentada prima a tema lìberu, ma s'ant a apretziai is traballus chi pertocant sa natura e su paesàgiu, si acetat una poesia sceti a cadaunu autori;
C - sàgiu stòricu-antropològicu mai imprentau prima a tema “Devianza, conflitto e repressione: dinamica e scenari del fenomeno nella penisola italiana dal medioevo a ventesimo secolo”. S'amitint finas tesis de làurea o dotorau stèrrias non prima de su 2018. Serbint 4 còpias a paperi.
D – sàgiu stòricu-antropològicu giai imprentau a tema “Devianza, conflitto e repressione: dinamica e scenari del fenomeno nella penisola italiana dal medioevo a ventesimo secolo”, publicau non prima de su 2018.
Est de sinnalai ca cunsiderant mai imprentadas is òperas publicadas me in is giassus web, in blog e in rivista in s'arretza, ca podint pigai parti is testus giai premiaus o sinnalus in àterus cuncursus literàrius, ca non fait a mandai òperas giai mandadas me in is editzionis passadas e ca non s'amitint cumponimentus chi tèngiant sa prefatzioni o s'incuru de unu de is giuraus.
Po ndi sciri de prus bai a sa pàgina “Facebook” de su prèmiu.
