Su Tzentru Stùdiu “Bosio”, in Règiu Calàbria, at cuncordau sa de 39 editzionis de su prèmiu mundiali de poesia “Nosside”.
Custu progetu culturali est s'ùnicu cuncursu globali, plurilinguìsticu e multimediali, po una poesia mai imprentada e premiada in àterus cuncursus.
Tenit 5 lìnguas ufitzialis (italianu, ingresu, ispanniolu, portughesu e frantzesu), ma est abertu a totu is dialetus de su mundu (acostendi apari su testu in sa pròpia lìngua-mamma a sa versioni in una lìngua ufitziali).
Est abertu a cali si siat forma de espressioni: poesia scrita, in vìdeu e in mùsica.
Me in is 38 editzionis passadas ant pigau parti 106 Stadus de totu is Continentis in 158 Lìnguas, Idiomas o Dialetus.
Su prèmiu ponit in contu reconnoscimentus (Bincidori assolutu, o Bincidoris assolutus arribaus paris e àterus).
Chi pigat parti podit sceberai formas po comunicai diferentis e espressadas linguìsticas diferentis.
Podint pigai parti a su cuncursu totu is tzitadinus de su mundu bastit chi apant fatu is 14 annus de edadi in su 2023.
Po pigai parti a su cuncursu tocat a fai strinas in antis o apustis de ai giai mandau sa sceda de partecipatzioni, su tanti de is istrinas mudat de 10 a 20 èurus cunforma a su Stadu de anca s'arribat.
Is iscritzionis si faint sceti a posta eletrònica finas a su 30 de su mesi de làmpadas de su 2024.
Po ndi sciri de prus bai a su giassu https://nosside.org
