S'Assòtziu culturali “Gruppo Ermada Flavio Vidonis e Poiein APS” cun s'agiudu de sa domu imprentadora “Vita Activa Nuova” at cuncordau sa de IV editzionis de su Prèmiu Internatzionali “Rainer Maria Rilke”, dedicau a su scritori, poeta e dramaturgu austriàcu.
Pesau in su 2021 su prèmiu bolit fai pigai parti òperas de poesia in totu is lìnguas, finas cussas de minoràntzias etnolinguìsticas e fueddadas localis, bastit chi siant acumpangiadas de tradutzioni in lìngua italiana, in prus favoressit s'òpera de is traduxidoris e sa publicatzioni de òperas in totu is lìnguas.
Su prèmiu est partziu in tres setzionis:
-
Setzioni A – lìburu de poesia, giai impentau intra de su 1 de gennàrgiu de su 2017 finas a su 30 de làmpadas de ocannu
-
Setzioni B – una poesia, chi podit essi giai imprentada o mai imprentada
-
Setzioni C – ragorda de poesia mai imprentada, sena de sartai 40 poesias
Po podi pigai parti a su Prèmiu tocat a pagai unu cuntributu de 10 èurus.
Sa premiatzioni s'at a fai in s'àmbitu de su “ IV Festival degli angeli” su 5 de su mesi de ladàmini de su 2024 in su casteddu de Stanjel (Komen Comeno) po is setzionis A e B, mentras su 9 de onnisantu de su 2024 a Villa Russiz (Capriva Gorizia) po sa setzioni C.
Po ndi sciri de prus bai a sa pàgina web de s'Assòtziu.
