Acabbat cenàbura 26 de su mesi de argiolas in Seui sa rassinna de film in lìngua sarda.
Sa rassinna partzida in tres atòbius, at biu sa proietzioni de is primu duus film a Mòguru,in su “Beer Garden Bam”: su 7 de làmpadas is cortometràgius de Andrea Deidda e “Polvere” cun diretzioni de Paolo Carboni e produtzioni de Terra de Punt e su 12 de custu mesi sa proietzioni de “Island for Rent” scritu Elio Turno Arthemalle e Salvatore Cubeddu.
S'ùrtimu atobiada, aprofitendi de sa de IX editzionis de “SeuiInMusica”, a sa “Fabbrica di Kimbe” in Seui movendi de is 5 e mesu de merii, s'at a proietai “Mira sa dì” (2021) de Andrea Cannas.
