Finas in sa manera de si saludai, is sardus si scerant de is àterus.
Su saludu in s'ìsula est bortas meda acapiau a sa cultura e a s'economia de su territòriu, a sa religioni.
Ndi bideus calincunu.
- Salve, ciao
Si narat " saludi", o saludi e trigu (Saludi e trigu” fiat e est immoi puru su saludu tìpicu de su messaju, chi bidiat in sa saludi e in su trigu, is fundamentas de sa vida e de su prexu. E mancai oi sa sotziedadi siat mudada e non totus funt acapiaus a sa messaria po bivi, custu saludu est abarrau e sighit a trasmiti s'idea de su chi est de importu in sa vida: sa saludi e su chi si permitit de bivi beni).
Candu si intràt in una domu allena si acostumàt a nai "Ave Maria", e si arrespundiat "Gràtzia Plena"
- Buongiorno
Si narat "bona dii" e fintzas "passa.dì dii bella.
- Buonasera
Si narat "bonasera", "serobonu", "bonas tardas".
- Buonanotte
Si narat "bonanoti", "noti bona"
- Arrivederci
Si narat "adiosu" ( si arrespundit "bai in bonora", bandei cun Deus, abarrai cun sa Mama); o si narat " a si biri" o fintzas "a si biri cun saludi", "a si biri sanus".
Si narat finas a "medas annus", candu mancai si nci andat de unu logu o unu eventu cun s'ispera de ddu torrai a fai o de ddui torrai po annus meda.
- Arrivederci a presto
Si narat "a si biri luegus"
