Su Comunu de Sant’Antoni avisat a totu is tzitadinus suus ca bolit cuncordai su biaxi a indonu po una carrela de curas a is bàngius de Fordongianus, de fai, incapat, a metadi de su mesi de onniasantu de su 2024.
Is curas funt sceti po tratai una pariga de patologias.
Is interessaus si depint fai fai sa ritzeta de su mèigu de basi cun sa dicidura “89.90.2 FANGHI E BAGNI TERAPEUTICI” prus sa patologia e su còdixi de esentzioni candu ddui est.
In antis de inghitzai is curas abisòngiat a fai sa bìsita de ammissioni cun su mèigu de sa strutura, po custa arraxoni tocat a s’ingolli avatu totu is paperis mèigus personalis e un’eletrocardiogramma fatu de pagu, non prus bèciu de 4 o 5 mesis.
Su costu de su ticket est de èurus 55,00, mentras po is esentaus èurus 3,10, prus èurus 20,00 de servìtzius strutura.
Tocat a s’ingolli avatu un’acapatòiu, sabatas e costùmini de bàngiu.
Acontessendi de non portai acapatòiu, fait, paghendi una cautzioni a ddu nolegiai innia.
In su bàngiu de Fordongianus ddui funt a disponimentu de sa genti is spolladòrgius cun is armadieddus chi fait a ddus criai.
Is tzitadinus de Sant’Antoni interessaus podint intregai istàntzia aintru de su 28.10.2024 a s’Ufìtziu protocollu cun documentu de identidadi e ritzeta mèiga.
Po connosci s’elencu de is patologias e po ndi sciri de prus bai a su giassu istitutzionali de su Comunu de Sant’Antoni.
