Su cuncursu est abertu a totus e non si pagat nudda po ndi pigai parti.
Si amitint òperas mai imprentadas, in cali si siat varianti de sa lìngua sarda, me in is àteras lìnguas fueddadas in Sardigna e òperas in lìngua italiana.
Su cuncursu est partziu in setzionis
a. poesia in lìngua sarda
b. prosa in lìngua sarda
c. poesia in lìngua italiana
d. prosa in lìngua italiana
e. poesia in lìngua sarda po is studiantis de is scolas segundàrias de primu e de segundu gradu.
f. prosa in lingua sarda po is studiantis de is scolas segundàrias de primu e de segundu gradu.
Ònnia autori at a podi pigai parti a una setzioni sceti e cun una òpera sceti. Custas depint essi originalis, mai imprentadas o publicadas o sinnaladas o premiadas in àteru cuncursu,
Is òperas scritas in sardu si depint acumpangiai cun tradutzioni in lìngua italiana.
S'òpera e is documentus chi serbint si depint mandai a s'indiritzu conocorsoletterario.anselmospiga@gmail.com aintru de su 20 de maju. Is premiatzionis s'ant a fai in Santu Sparau sàbadu 27 de su mesi de argiolas de su 2024 in su Spàtziu Antas de sa bia Arbarei 10.
Po ndi sciri de prus telèfona a su nùmeru 3292928707
