Martis 5 de trìulas Dyaphrama at a ospitare a su fotògrafu Giovanni Porcu, chi at a faeddare de s’Àrdia de Sèdilo pro mesu de sas fotografias suas.
Giovanni Porcu est unu fotògrafu professionista originàriu de Sèdilo, chi at fatu paritzos servìtzios fotografende festas e ritos de sa Sardigna.
Custa at a èssere s’ocasione pro ammentare sa manifestatzione (chi ocannu si torrat a fàghere a pustis de duos annos) pro mesu de sas fotografias de sas editziones coladas, e pro si preparare a la torrare a bìvere su 6 e su 7 de trìulas de ocannu.
S’apuntamentu est a sas 9 de sero (h 21) in sa sede sotziale de carrera de sa Contziliatzione a su nùmeru 58. Pro intrare non si pagat nudda.
(GF.P.)
