Su Sistema Bibliotecàriu de is Comunus de s'Anglona e de sa Badde Bassa de su Coghinas (SBANGL) , pighendi parti a su “Maggio dei libri 2024” a manu de pari cun Emergency Tàtari e is assòtzius e is Pro Loco de s'Anglona e cun su patrocìniu de Ethno's festival letterario, at bandiu sa segundu editzioni de “Forti con le rime” cuncursu poèticu asuba de su tema de sa paxi e sa giustìtzia.
A su cuncursu podint pigai parti totus e non si pagat nudda.
S'amitint òperas mai imprentadas prima stèrrias in lìngua sarda e in cali si siat fueddada chistionada in Sardigna (nuoresu, logudoresu, campidanesu, gadduresu, tataresu, cadalanu e tabarchinu) e in lìngua italiana.
Su cuncursu est partziu in duas setzionis:
A – poesias cun o sena de rima in lìngua sarda
B – poesias, cun o sena de rima in lìngua italiana
Non s'ant a depi sartai is 40 versus.
A is traballus in lìngua sarda tocat de ddi auniri furriadura in lìngua italiana.
Is autoris podint pigai parti sceti a una setzioni e cun una poesia sceti chi non depint ai mai imprentau o premiau in àterus cuncursus.
Is traballus, stèrrius a màchina o a compùteru si depint mandai aintru de su 7 de su mesi de argiolas de su 2024 a s'indiritzu de posta eletrònica coordinamento@sbangl.it o intregaus a manu a busta serrada in una de is bibliotecas de su SBANGL.
Sa premiatzioni de is bincidoris s'at a fai su 4 de su mesi de austu in Bulzi candu s'at a fai “Bulzi in rima”.
Po ndi sciri de prus ligi s'avisu intreu in su giassu istitutzionali de su Sistema Bibliotecàriu www.sbangl.it
