Avisu pùblicu pro invitare sos operadores econòmicos interessados, a s'iscrìere e a èssere abilitados a su mercadu eletrònicu “Sardegna CAT” pro pòdere partetzipare a sa protzedura informatizada, cunforma a s’art. 36, comma 2 lìt. b) pro s’afidamentu de su Servìtziu de tzensimentu de sos marangones (phalacrocorax carbo ) chi passant s’ierru in sos giassos ùmidos de sa provìntzia de Aristanis (annualidade 2022-2023)
Custu est s’avisu pùblicu:
PROVÌNTZIA DE ARISTANIS
SETORE AMBIENTE E ATIVIDADES PRODUTIVAS- SERVÌTZIU AMMINISTRATIVU
( Tel. 0783/793272 )
AVISU PÙBLICU
PRO INVITARE SOS OPERADORES ECONÒMICOS INTERESSADOS A S'ISCRÌERE E A ÈSSERE ABILITADOS A SU MERCADU ELETRÒNICU “SARDEGNA CAT” PRO CUNSENTIRE SA PARTETZIPATZIONE A SA PROTZEDURA INFORMATIZADA, CUNFORMA A S’ART. 36, COMMA 2 LÌT. B) PRO S’AFIDAMENTU DE SU “SERVÌTZIU DE TZENSIMENTU DE SOS MARANGONES (PHALACROCORAX CARBO) CHI PASSANT S’IERRU IN SOS GIASSOS ÙMIDOS DE SA PROVÌNTZIA DE ARISTANIS (ANNUALIDADE 2022-2023).
Custa Amministratzione depet aviare protzedura informatizada, cunforma a s'art. 36 comma 2 lìt. b) de su D. Lgs. 50/2016 e sas mudaduras fatas a pustis pro afidare su “Servìtziu de tzensimentu de sos marangones (Phalacrocorax carbo) chi passant s’ierru in sos giassos ùmidos de sa Provìntzia de Aristanis, perìodu 1 de santugaine 2022 - 31 de martzu 2023.
Su protzedimentu at a èssere atuadu pro mesu de protzedura informatizada, cun domanda de RDO de acumprire in su sistema de sa piataforma telemàtica eletrònica de sa R.A.S. “Sardegna CAT”, www.sardegnacat.it S'invitu a presentare RDO at a èssere fatu a totu sos operadores econòmicos iscritos e abilitados a manera regulare pro s'Albore Mertzeològicu “AL 32 AL” - descritzione categoria “Ornitològica”.
Sos operadores econòmicos, duncas, pro pòdere partetzipare a sa protzedura s’ant a dèpere iscrìere e ant a dèpere èssere abilitados pro su mercadu eletrònicu Sardegna CAT.
Custu avisu est ebbia s’invitu pro sos operadores econòmicos interessados a partetzipare a sa protzedura informatizada imbeniente, no ancora iscritos e abilitados, pro s'iscrìere e abilitare a su mercadu eletrònicu Sardegna Cat pro chi potzant retzire s’invitu a presentare s’oferta.
Sos operadores econòmicos podent consultare su situ informàticu www.sardegnacat.it in ue, in sa “Home” setzione “Servizi per le imprese”, in sa boghe “Registrazione al portale e Iscrizione al Mercato Elettronico” ant a agatare sas modalidades pro sa protzedura.
Duncas si pretzisat ca cun custu avisu, chi est ebbia informativu, no est aberta peruna manifestatzione de interesse, protzedura de gara, de afidamentu de cuncursu o pre-cuncursu.
Sa Provìntzia si riservat de suspèndere, modificare, revocare o annullare sa protzedura ligada a custu avisu informativu e de non sighire cun sa protzedura de afidu, sentza chi potzant avantzare peruna pretesa sos operadores econòmicos interessados.
Custu avisu est publicadu dae sa data de oe pro 8 (oto) dies in su profilu de su cummitente – www.provincia.or.it in sa setzione Amministrazione Trasparente- setzione “Bandi di gara e Contratti”.
Informatziones de crarimentu e/o àteras informatziones chi pertocant custu avisu si podent pedire a sa R.U.P. Dot.ra Manuela Urracci Tel: 0783/793272 manuela.urracci@provinca.or.it
Su dirigente
dot. Raffaele Melette
Aristanis, 26/08/2022
(MM)
