Provincia di Oristano - sito web ufficiale

In sa pàgina printzipale de custu situ istitutzionale de sa Provìntzia de Aristanis, pro s’esames pro s’idoneidade professionale pro esertzitare s'atividade de autotrasportadore de cosas pro contu de àtere e de autotrasportu de persones in istrada,  si podent iscarrigare:

- Avisu pùblicu

- Determinatzione inditzione esames

- All. 1 - modellu domanda

- All. 2 - matèrias de s’esame

 

Cun avisu pùblicu de su Servìtziu Agiudu a su sistema produtivu, Educatzione ambientale, Isvilupu sustenìbile - Ufìtziu Trasportos, su dirigente de su Setore Ambiente e Atividades Produtivas de sa Provìntzia de Aristanis, dotor Raffaele Melette, informat ca

• sos residentes in sa Provìntzia de Aristanis interessados depent presentare sa domanda in su modellu (All. 1), allegadu s’Avisu etotu. Pro evitare s’esclusione, sa domanda depet èssere compilada in ogni parte sua, firmada e depet tènnere allegados sos documentos pedidos;
• sas domandas de ammissione a s’esame depent arribare, de òbligu, a intro de mesudie (h. 12.00) de su 4 de santandria 2022.

Sa domanda si podet presentare:

1) cun sa PEC a s’indiritzu provincia.oristano@cert.legalmail.it; in s’ogetu de sa PEC si depet iscrìere: “Istanza di ammissione agli esami per il conseguimento dell’attestato di idoneità professionale per l’esercizio dell’attività di autotrasportatore di merci per conto di terzi e di viaggiatori su strada”; totu sos documentos si depent mandare, in formadu PDF, comente allegados de su messàgiu;

2) o cun una racumandada A/R a s’indiritzu Provìntzia de Aristanis – Setore Ambiente e Atividades Produtivas – Ufìtziu Trasportos - Bia E. Carboni – 09170 – Aristanis (non balet su timbru postale); in sa busta si depet iscrìere: Istanza di ammissione agli esami per il conseguimento dell’attestato di idoneità professionale per l’esercizio dell’attività di autotrasportatore di merci per conto di terzi e di viaggiatori su strada;

3) o cunsignada a manu a sa Provìntzia de Aristanis - Ufìtziu protocollu, bia Carboni sn Aristanis dae su lunis a sa chenàbura dae sas 8:30 a sas 13:30.

Si podet presentare domanda pro unu de custos esames pro trasportare cosas o persones:

1. a) esame cumpletu pro su trasportu natzionale e internatzionale;
2. b) esame integrativu chi permitit a sos chi tenent s'idoneidade pro su trasportu natzionales ebbia de cosas e/o persones de leare s'idoneidade fintzas pro su trasportu internatzionale.

NON PODENT partetzipare sos chi, in sos tres meses in antis de sa data de publicatzione de custu Avisu, ant dadu e no ant passadu s’esame.

S’Ufìtziu Trasportos at a publicare, cun valore de notìfica, in s'Albo Pretòriu e in su situ istitutzionale, a su nessi 15 dies in antis de sa prova, sos nùmenes de sos candidados ammìtidos a s’esame, sa sede, sa die e s’oràriu de sa cunvocatzione.

S'esame tenet duas provas iscritas:

ESAME CUMPLETU

• 1^a prova iscrita: 60 domandas, e de custas a su nessi 20 ant a pertocare s’àmbitu internatzionale, divididas in

- 20 domandas de diritu (diritu tzivile, diritu cummertziale, diritu tributàriu e diritu sotziale;

- 10 domandas de gestione cummertziale e finantziària de s’impresa;

- 10 domandas de atzessu a su mercadu;

- 10 domandas de normas tècnicas e gestione tècnica;

- 10 domandas de seguresa istradale.

• 2^a prova iscrita: Esertzitatzione de unu casu pràticu chi est in s’elencu de cussas de ambos sos sos àmbitos (natzionale e internatzionale).

ESAME INTEGRATIVU

In s’esame integrativu bi sunt 60 domandas, un’esercitatzione – de cussas de s’elencu de s’àmbitu internatzionale – de unu casu pràticu de àmbitu internatzionale.

Pro ogni prova su candidadu tenet a disponimentu duas oras.

S’elencu generale de sas domandas e de sos casos pràticos sunt in sa banca datos de su Ministeru de sas Infrastruturas e de sos Trasportos (Allegadu a su Decretu de su Capu Dipartimentu pro sos Trasportos Terrestres prot. n. 79 de s’8 de trìulas 2013) e publicadu in su situ www.mit.gov.it link: https://www.mit.gov.it/node/2666

Pro su nùmeru de sas domandas chi ant a èssere presentadas, sa Commissione at a pòdere detzidere  de dividire sas provas de s’esame in prus dies, fintzas de sighidu, avisende in tempus sos interessados. In custu casu, sas provas ant a èssere diferentes dae cussas de sa/sas die/dies in antis.

Pro sa valutatzione de s’esame, sa Commissione dat a su prus 100 puntos: su 60% pro sas rispostas de sas domandas e su 40% pro su casu pràticu.  

Pro passare s’esame su candidadu depet leare a su nessi 60 puntos, semper chi:

- apat leadu a su nessi 30 puntos pro sas domandas e a su nessi 16 puntos in s’esertzitatzione de su casu pràticu.

Pro leare sos 30 puntos in sas domandas, su candidadu depet dare a su nessi su 50% de rispostas  giustas in ogni grupu de domandas.

Pro otènnere sos 16 puntos in s’esertzitatzione in sa prova pràtica, su candidadu depet otènnere sa sufitzièntzia in 2 provas de 4.

Sos candidados ammìtidos a s’esame si depent presentare in su logu e in sa die istabilida, cun unu documentu de identidade vàlidu, intreu e chi si legant totus sas partes suas, pena de no èssere ammìtidos. Sos candidados non podent portare a intro de sa sede de s’esame nen paperi pro iscrìere, apuntos, manuscritos, libros o publicatziones de cale si siat genia.

Sos esames s’ant a fàghere in su rispetu de sos disponimentos de lege chi pertocant sa cumbata a su COVID 19 in vigore cando s’at a fàghere s’esame; comente rispetare sos protocollos at a èssere  comunicadu in apòsita informativa publicada a s’Albo Pretòriu e in su situ istitutzionale paris a s’elencu de sos ammìtidos.

Pro sas informatziones s'Ufìtziu Trasportos est a disponimentu su martis e sa giòbia dae 10:00 a mesudie (h. 12:00) telefonende a su nùmeru 0783 793309.

 (MM)