Sa dii mondiali de su Teatru dd’ant istituida po sa primu borta s’International Theatre Institute e s’UNESCO su 27 de martzu de su 1962.
In cussa ocasioni s’afestàt s’inauguratzioni de su Teatru de is Natzionis de Parigi.
De insaras ònnia annu in totu su mundu s’afestat sa dii mondiali de su Teatru e po custu avenimentu si domandat a una personalidadi de su teatru, de sa mùsica o de sa cultura, de scriri unu messàgiu.
Custu messàgiu apustis, si ligit in is teatrus, in scola, in is bibliotecas e in is logus de cultura de totu su mundu.
Ocannu seus lòmpius a sa de 62 editzionis e a scriri e ligi su messàgiu chi tenit a tìtulu “S’arti e sa paxi”, at a èssiri Jon Fosse, scritori e drammaturgu norvegesu, chi at postu in evidèntzia su valori paxosu e universali de s’arti.
A custu link podeis ligi e ascurtai su messàgiu de Jon Fosse.
http://www.giornatamondialedelteatro.it/messaggio-internazionale-14.html
