Su comunu de Làconi gràtzias a unu finantziamentu de sa Regioni Sardigna, at cuncordau unus cantu atòbius in lìnia, po fueddai de is disturbus alimentaris.
Sa punna de custu arbìtiu est cussu de donai a is famìllias sardas in ainas netzessàrias a connòsciri mellus custas chistionis.
Ant a èssiri 6 oras de traballu in totu, pratzidas in 3 webinar on-line de 2 oras onniunu, in sa piataforma GoToWebinar.
Asuta est inditau su calendàriu e finas su link chi tocat a cracai po si iscriri e intrai in ònnia atòbiu.
Si arrgordaus ca totu is incontrus sunt a indonu.
- cenàbura 22 de martzu 2024, de is 17.30 a is 19.30: “Arreconnosci is disturbus alimentaris, sìntumus nous in s’adolescèntzia”.
link: https://register.gotowebinar.com/register/4768882534070134111
- cenàbura 5 de abrili 2024, de is 17.30 a is 19.30: “Sa suferèntzia est de totus, su disturbu alimentari càusa de is istrobbus de sa famìllia; imparai a ddus manigiai e a ddus gestiri”.
link: https://register.gotowebinar.com/register/1751980957129233754
- cenàbura 19 de abrili 2024, de is 17.30 a is 19.30: “Sa famìllia e su sìntumu de su disturbu alimentari. Sa fortza de su sìntumu e sa fortza de sa cura”.
link: https://register.gotowebinar.com/register/2327304814409554014
Is docentis chi ant a fueddai in custus atòbius sunt: Alessandro Poddesu, Psicoterapèuta, Responsàbili de s’assòtziu Ananke, sea de Casteddu e sa Dotora Simona Pisu, Psicòloga e Psicoterapèuta, de su Tzentru Ananke, sea de Casteddu.
