Sa Asl de Aristanis, pro mesu de s’istrutura de chirca e seletzione de sas Resursas umanas Ares, est chirchende dotores pro Anestesia e Rianimatzione e pro Cardiologia, de destinare a su servìtziu de Emodinàmica. Sos incàrrigos sunt pro 36 meses.
Sos avisos sunt publicados in su situ www.aressardegna.it in sa setzione “Albo pretorio > Concorsi e selezioni”, in sos link chi sighint:
- “Selezione pubblica disciplina Anestesia e Rianimazione”
- “Selezione pubblica disciplina Cardiologia”.
Sos dotores chi sunt interessados e chi tenent sos tìtulos pedidos si devent iscrìere online in su situ https://aressardegna.iscrizioneconcorsi.it intro de su 6 de freàrgiu 2023.
(GF.P.)
