Oe, su 31 de santugaine 2022, si tzèlebrat sa prima Die natzionale “Giòvanos e Memòria /Giovani e Memoria” istituida cun sa lege de su 30 de nadale 2021, n. 234 chi tenet sa punna de “promòvere sos valores e su significadu de sos personàgios, de sos acadessimentos e de sa memòria, afortiende, fintzas cun s’impreu de sas tecnologias noas, de limbàgios contemporàneos, de piataformas digitales e de sos social media, sa cussèntzia, s’atinu, e sa partetzipatzione de sos giòvanos”.
S’organizatzione de sa Presidèntzia de su Consìgiu de sos Ministros, incarrigada de coordinare sas initziativas cuncordadas pro custa ricurrèntzia, at pedidu a sos museos e a sos logos de sa memòria interessados de garantire s’intrada gratùita a sos giòvanos chi non ant lòmpidu ancora sos 35 annos.
In totu su territòriu natzionale sunt organizadas initziativas pro connòschere mègius persones, logos e cosas chi sunt parte de s’istòria nostra.
Pro nde ischire de prus: https://anniversarinazionali.governo.it/it/
Sa Domo Museu Antonio Gramsci de Ilartzi leat parte a sa Die natzionale “Giòvanos e Memòria” e invitat sos giòvanos a visitare, oe non si pagat su billete pro intrare, sa domo in ue Antonio Gramsci at bìvidu cun sa famìllia in sa pitzinnia e gioventude sua.
Est de òbligu a si prenotare:
Telèfono: 0785 53075
Posta eletrònica: info@casamuseogramsci.it
(MM)