Cras, giòbia 2 de freàrgiu 2023, in ocasione de sa festa de Santa Maria de Candelas su presidente de sa Pro Loco de Aristanis at a dare sa candela beneita a su Cumponidoreddu de sa “Sartigliedda” de ocannu, Lorenzo Carboni.
Sa traditzione, comente onni annu, previdet chi a pustis de sa missa (chi si faghet in Su Brugu, in sa crèsia dedicada a Santu Efis), a sas 10 e mesa su corteu de Tamburinos e Trumbiteris, totus giovaneddos, ant a andare paris cun sos membros de sa Pro Loco a dare sas candelas beneitas a sa parìllia de Su Cumponidoreddu, chi ocannu est formada dae Lorenzo Carboni, Luca Piras e Filippo Corona. Sa cunsigna l’ant a fàghere a ora de sas 11 mancu cuartu in sa sede de su Tzìrculu Bociòfilu in carrera Francesco Ciusa.
Ocannu sos cavallereddos de sa “Sartigliedda” sunt 20, e bi nd’at finas de bidda de fora (Macumere, Casteddu Sardu, Bòrore e Belchidda.
Sos nùmenes sunt custos:
Camilla Daga, Aristanis
Andrea Cugusi, Macumere
Laura Firinu, Aristanis
Gabriele Palmas, Casteddu Sardu
Fabio Frau, Aristanis
Gioia Sanna, Aristanis
Angelica Angioni, Bòrore
Aurora Cugusi, Macumere
Giulia Atzei, Aristanis
Alessandro Meloni, Belchidda
Roberto Appeddu, Belchidda
Diego Felice, Belchidda
Mattia Piras, Aristanis
Giulia Piras, Aristanis
Debora Cadeddu, Aristanis
Gabriel Demontis, Aristanis
Letizia Puggioni, Aristanis.
(GF.P.)
