In sa ASL de Aristanis si podet prenotare sa de chimbe doses de su vatzinu anticovid, su de tres richiamos. Totu sos chi tenent sessanta annos e prus e chi ant fatu s’ùrtima dose a su nessi dae 120 dies, podent pedire de fàghere su de tres richiamos (sa de chimbe doses) prenotende online in sa piataforma de sas Postas (Poste Italiane), s’indiritzu est https://prenotazioni.vaccinicovid.gov.it o cun sos Atm de sos ufìtzios postales o tzirriende su call center a su nùmeru 800 00 99 66 (ativu ogni die dae sas 8 a sas 20) o cun sos postinos.
Sa de chimbe doses de su vatzinu anti-Covid bivalente est racumandada a manera particulare a sas persones chi tenent prus de otanta annos, a sos chi bivent in sas istruturas residentziales pro antzianos e a sos chi tenent sessanta annos e prus chi tenent patologias graves e chi apant retzidu sa de bator doses a su nessi 120 dies in antis.
(MM)