De sas ratzas de preta sas chi si agatant de prus in su territòriu nostru sunt sa Blatella germanica, Blatta orientalis e sa Periplaneta americana chi est sa prus chi si agatat in Aristanis e acanta de mare in ue su calore ùmidu favoresset s’isvilupu suo.
S’infestadura de sa preta podet èssere unu problema igiènicu-sanitàriu sèriu, difatis custos bobbois trasmitint unu muntone de organismos chi càusant maladias ca si movent dae ambientes incuinados meda a ambientes de vida normale pro s’òmine.
Sa preta bivet in logu ùmidu e buju e chircant de si fàghere su niu a intro de sa fogna, lavandinos, coras e sìmiles.
Est frecuente agatare preta in sas domos, locales e depòsitos e, duncas, est netzessària un’atzione de preventzione e, in ue b’est giai istada un’infestadura, unu tratamentu adeguadu de disinfestatzione.
Su programma contra de sas infestaduras de sa preta interessat totu sa Provìntzia: siat in ambientes comente iscolas, mensas, asilos, ufìtzios, ispidales, casermas, depuradores e àteru e siat in sos tumbinos de sas istradas ca pro sa preta est s’ambiente suo naturale mègius pro intrare a pustis a intro de sas domos.
In prus, duas bortas a s’annu, in beranu e in atòngiu, si faghet sa disinfestatzione de sos tumbinos de sas istradas chi sunt su giassu in ue si agatat prus preta.
(MM)
