Sa mustra ‘Sardegna Isola Megalitica / Sardigna Ìsula Megalìtica’, a pustis chi est istada protagonista in su Museu pro sa Preistòria e Protoistòria de Berlinu, in su Museu Ermitage de San Pietroburgo e in su Museu Archeològicu natzionale de Salonicu, como est in Nàpoli in su Museu Mann, fintzas a s’11 de cabudanni.
Mancari bi siant ancora sas dificultades de s’epidemia de su Covid-19, unu muntone mannu de gente at visitadu sa mustra in sos museos europeos.
In sa mustra b’est unu de sos Gigantes de Monti Prama a rapresentare non solu su patrimòniu archeològicu e culturale de Crabas ma fintzas de totu sa Sardigna.
Dae su 14 a su 16 de cabudanni sa mustra at a èssere in Casteddu, in su Bastione de Saint Remy.
(MM)
