Su Tzentru Servìtzios Culturales UNLA de Aristanis e s'Assòtziu Promo Arte Sardegna, oe Mèrcuris 7 de cabudanni 2022 a sas 06.00 de sero, in sa Sala de su Tzentru Servìtzios Culturales UNLA de Aristanis presentant su libru de Elisa Fonnesu
E sarà luce
Ritrovare il passo perso
(Kubera Edizioni)
Maria Giuliana Campanelli nde at a faeddare cun s’Autora.
Paolo Vanacore at a fàghere leturas dae su libru.
Su libru - "Su chi iscrio naschet dae su chi bivo a beru in s’ànimu, iscrio su chi intendo, sentza dudas. Sos versos meos sunt s’ispigru de comente so e sa manera mia de iscrìere s’est acumprida in sos annos, naschet dae una chirca fata de sighidu de faeddos chi potzant manifestare su chi tèngio a intro; est fortzis pro custa resone chi non so mai cuntenta de su chi iscrio ca mi paret semper chi bi siat àteru de agatare pro contare de a mie, de sos piessignos meos, chi a bortas non sunt sèmplitzes e chi deo etotu istento a agatare.
Versos meos meda chi paret content de sa natura e de sos fenòmenos naturales, a nàrrere sa beridade deo ddos impreo pro contare sas emotziones e sos sentimentos de s’ànimu.
In E sarà luce Ritrovare il passo perso, sos versos espressant a manera prus profunda sentidos de s’ànimu de su tempus passadu dae ora chi mi ant sinnadu e formadu e momentos de dificultade, ammentos de dolore ma fintzas emotziones ditzosas de dies dae pagu passadas.
S’ùrtima parte contat sa situatzione atuale. Sighit semper sa chirca de lughe e isperàntzia pro agatare su chi apo pèrdidu e torrare a assentare su chi faghet. Non mancant ocasiones de s’ispantare de sa vida e versos birgongiosos chi istento a intèndere comente meos.
Lasso a su letore s’interpretatzione de significados cuados o craros.
Cun custu libru mantèngio ancora aberta sa chirca de s’èssere meu e de su mundu."
Elisa Fonnesu
S'Autora. So Elisa Fonnesu, nàschida e crèschida in terra sarda e bivo in sa bidda mia de orìgine, Biddaxidru (SU). Insegno in s’iscola primària, traballu chi fatzo cun passione manna. Potzo nàrrere chi apo dedicadu su prus de sa vida mia a sa famìllia mia e a s’iscola. Apo frecuentadu su litzeu clàssicu e de privada apo leadu su diploma magistrale. Sa pitzinnia e gioventude mias sunt istadas sinnadas dae unas cantas esperièntzias non bellas chi mi ant fatu diventare birgongiosa e riservada pro totu sa vida. Iscriende versos manifesto su chi so a beru, a manera delicada, in àteru modu non dia renèssere. Sos faeddos de sa poesia m’ant semper atiradu e apo semper intèndidu su disìgiu de iscriere in poesia. Sos collegas e persones chi in sos versos meos s’agataiant m’ant dadu su coràgiu de iscrìere e unos binti annos a como apo incomintzadu pro giogu cun sos iscolanos meos ma est dae unos deghe annos chi, a sa tìmiga, iscrio pro sos àteros. S’iscrìere meu dd’intendo comente un’eredade de lassare a sos afetos meos pròpiu ca como ebbia ddos connosco. A pustis apo pensadu de pònnere paris sos iscritos meos e de ddos publicare.
(MM)