Sa prima fèmina chi festat sos chentu annos in su 2023, in Aristanis, est Maria Teresa Putzu.
Nàschida in Siamajore su 10 de ghennàrgiu 1923, oe festat sos annos paris cun su fìgiu, sa sorre, parentes e amigos. Paris cun issos finas su sìndigu de Aristanis Massimiliano Sanna e su cussigeri comunale Luigi Mureddu chi l’ant dadu una targa de ammentu a nùmene de sa comunidade aristanesa. Issa narat chi sos chentu annos non si los intendet pro nudda.
Maria Teresa Putzu, cojuada cun Giorgio Bordiga e mama de Giuseppe, at bìvidu semper in Aristanis, zona Santu Martinu, in ue at dirìgidu un’istrutura chi allogaiat aposentos. Fèmina ativa meda, àbile meda in coghina, l’agradaiat meda a caminare e a girare peri sa tzitade a bìere totu sos cugioneddos pagu connotos.
(GF.P.)
