Sos saldos de ierru 2023 in Sardigna ant a comintzare giòbia 5 de ghennàrgiu. Sa Sardigna no at antitzipadu sos tempos, comente ant fatu in àteras regiones de Itàlia.
Sos butegheris isperant chi in su tempus de sos saldos megioret sa situatzione de sas bèndidas, ca ocannu sas ispesas sunt crèschidas pro neghe de sas bulletas chi sunt incaridas meda.
“Pro como non tenimus datos seguros in contu de sas bèndidas de Nadale – at ispiegadu sa diretora de Confcommercio de Aristanis, Sara Pintus -. Sos sòtzios nos narant chi b’at butegas chi sunt bendende bene e àteras chi nono. Previsiones pro sos saldos non nde tenimus”.
In su situ web de Confcommercio ant publicadu una “Guida ai saldi” pro cumprèndere comente funtzionant e pro connòschere curiosidades e diferèntzias intre saldos, bèndidas de licuidatzione e bèndidas promotzionales. In prus, si b’agatant totu sas normativas natzionales in contu de saldos, cun sas multas chi càmbiant dae una regione a s’àtera.
(GF.P.)
