Su 13 de maju, in Santa Justa, amus fatu una resonada bella in contu de s’impreu de su sardu in literadura e de su tempus benidore de sa limba nostra. S’ocasione est istada sa presentada de sa regorta de contos orrorosos e fantàsticos Unu pipiu malu e àterus contus de Lisandru Garau e Natàscia Muscas, chi sunt otenende reconnoschimentos de giudu in is prèmios literàrios de Sardìgna.
Sa faina dd’at cuncordada sa Biblioteca comunale de Santa Justa (s’idea dd’at tenta sa bibliotecària, Gabriella Dessì: ddi torramus gràtzias!), a manos de pare cun s’Isportellu linguìsticu de sa Provìntzia de Aristanis (Avisu R.A.S. Tu.Li.S. 2024), chi est a disponimentu de assòtzios culturales, bibliotecas, comunes, iscolas pro consulèntzias grammaticales, bibliogràficas, ortogràficas, chircas, cunferèntzias, laboratòrios in contu de sa limba sarda. S’Isportellu linguìsticu provintziale est abertu su martis, su mèrcuris e sa giòbia a mangianu (tel. 0783/793413 – limbasarda@provincia.or.it)
A àteras bortas!
(A.N.G.)
