S'arregorta diferentziada de oi si fait fintzas in sardu cun s'app Junker. Totu is informus de prus importu duncas, s'ant a podi ligi in italianu , in is lìnguas prus fueddadas intra de is turistas e in sardu.
Su traballu de furriadura in sardu d'at bòfiu Sardegna Ecology, chi de prus de unu annu at postu a disponimentu Junker in s'Unioni de is Comunus Fenìcius chi aunit is biddas de Prammas, Santa justa, Siamajore, Sabarussa e Biddobrana.
Po sceberai su sardu tocat a andai in impstatzionis e spuntai su sardu che lìngua de s'app.
S'app dda imperant 116 comunus sardus, chi aici ponint a disponimentu de residentis e turistas una aina e totu is informus chi serbint po manigiai a manera responsàbili s'àliga.
Giai centumila tzitadinus ant installau s'app a indonu in su telefuneddu insoru e dda imperant po cumprendi sa manera de diferentziai is produtus, scansionendi su còdixi a barras chi s'agatat in su imboddicàmini.
Tra is cosas prus circadas in s'app, po cumprendi innoi tocat a nci ddas scavuai ddui sunt is cotzas. Ma fintzas is crapitas e s'arroba de bistiri, sighidas de is acedinus, scàtulas de mexinas. Duncas de oi fait a circai totu custus fueddus finas in sardu.
