A movi de su 16 de su mesi de cabudanni 2024 partit sa filera de episòdius web “Sardegna Megastore” chi fait intrai su pùblicu sardu e non feti, in un grandu centru cumerciali , contendi.sì is fainas de is traballadoris e de is clientis in lìngua sarda campidanesa.
Su traballu est fatu de ses episòdius e at a èssiri trasmìtiu ònnia 15 diis finas a su 25 de su mesi de onnissanti de su 2024.
Custu traballu si bolit fai cumprendi ca sa lìngua sarda si podit imperai me in is fainas de ònnia dii e ca sa lìngua e sa cultura sarda si podint fai connòsciri imperendi is mesus de comunicatzioni nous. Su traballu est finantziau de sa Regioni Autònoma de Sardigna e s'at a podi biri in YouTube.
Is protagonistas de prus importu sunt interpretaus de atoris nodidus de su panorama artisticu sardu:Renzo Cugis, Lele Pittoni e Antonella Puddu.
Totu su traballu est dirìgiu de Valeria Galletta e Andrea Assorgia.
Su primu episòdiu si intìtulat “Allichidiu a nou”, e si podit giai biri; is àterus, ddus eis a podi agatai una cida giai e una no, finas a su 25 de onnissanti. Custa est una ocasioni de non perdi, non feti po si spassiai unu pogheddu ma finas po si acostai a sa lìngua sarda.
