Su Comune de Aristanis at aprontadu s’ordinàntzia chi dat inditos temporàneos de viabilidade pro sas dies chi si curret sa Sartìglia.
Dae giòbia 26 de ghennàrgiu in carrera de sa Sea e in carrera Vittorio Emanuele II non si podet nen passare nen firmare sas veturas.
Dae lunis 6 de freàrgiu, benende dae carrera Casteddu e carrera Solferino non si podet intrare a pratza Manno, e benende dae carrera Angioy tocat a furriare a manu manca. Non faghet a passare in pratza Giovanni Paolo II (intre carrera Ciutadella de Menorca e guturinu Ammirato), in carrera Ciutadella de Menorca, in carrera Sant’Antoni, in carrera e guturinu Mazzini, in carrera Serneste. Sunt prevididos divietos finas in unu tretu de carrera Parpàglia.
Dae martis 14 de freàrgiu non faghet a passare ne a firmare sas veturas in pratza Cova, in carrera Pietro Riccio, in carrera Diego Contini e in carrera Benedetto Croce, ca aberint su “Villaggio Sartiglia”.
Dae su 14 de freàrgiu b’at a àere àteros divietos, e finas dae giòbia 16 e dae sàbadu 18.
Dae sa una (h 13,00) de sàbadu 18 de freàrgiu b’at a àere carchi cuntenimentu finas in carrera Casteddu, no at a fàghere a passare e a firmare in su tretu de istrada intre carrera Pira e carrera Tharros. Andende a Santa Giusta, in su tretu intre carrera Amsicora-Gennargentu e carrera Pira, b’at a àere unu sensu ùnicu e gasi finas andende a cara a su Remèdiu in su tretu de istrada intre carrera Tharros e carrera Diaz.
(GF.P.)
