Su sìndigu de Aristanis Massimiliano Sanna at fatu un’ordinàntzia pro dare inditos a sa gente chi cheret abbaidare sa Sartìglia dae sas domos de carrera de Sa Sea e de carrera Mazzini, in ue si faghet sa Giostra a caddu.
Sos meres de domos e locales chi s’incarant a sas carreras in ue si curret sa Sartìglia tenent s’òbligu de fàghere controllare sos immòbiles dae unu tècnicu abilitadu pro iscumproare chi non b’apat perìgulu. Custu balet pro chie tenet praghere de ospitare gente in sas dies de sa manifestatzione, ma finas pro sas domos chi tenent suteas, barconitos o tzimbranas chi essint a cussas carreras. Custu pro istransire dae cale si siat perìgulu.
In sos barconitos e verandas chi abbàidant a su percursu de sa Sartìglia, non si bi podet incarare prus de una persone onni 80 tzentìmetros cuadrados de longària. Est proibidu de pigare a coberturas e a tzimbranas.
Martis 21 de freàrgiu su mercadu de pratza Abis at a abarrare serradu. In prus, est prevìdida s’ativatzione de unu Tzentru operativu comunale de Protetzione tzivile.
(GF.P.)
