Confcommercio, paris cun su Comune de Aristanis e cun Fondazione Oristano organizat sa de 14 editziones de “Shopping sotto le stelle”.
In programma b’at 7 seros cun butegas abertas finas a mesanote e eventos de tantos tipos. Sa manifestatzione est comintzada su 19 de trìulas e at a durare finas a finire su mese de austu.
Comente ant pedidu sos butegheris, Confcommercio e su Comune ant aprontadu cantu serbit a fàghere un’àrea pedonale manna, in ue sas veturas non podent nen passare nen si firmare. Pro totu sos seros de sa manifestatzione, dae sas 7 e mesa a mesanote e mesu sas veturas non podent nen passare nen si firmare sas carreras chi sighint:
- Carrera Tirsu in ue faghet rughe cun carrera Sardigna
- Carrera e pratza Tharros
- Carrera Diego Còntini
- Carrera Roma
- Pratza Corrias
In custas àreas b’at a àere transennas e calicunu chi vìgilat. Pro chi sa gente non tèngiat istorbu, b’at a àere cartellones de informatzione in tantas limbas. Sas istruturas chi devent retzire sos turistas ant a otènnere materiale pro los informare de custa initziativa de cultura e ispetàculu abbinada a sos còmporos.
Sos butegheris s’ant a ocupare de s’animatzione musicale, seberende sos artistas chi prus lis agradant.
Confcommercio at postu in programma finas ispetàculos pro sos pitzinnos e Fondazione Oristano proponet vìsitas noturnas a sas mustras e a sos monumentos prus importantes de sa tzitade e laboratòrios pro pitzinnos chi si culleghent a sas mustras e a sa traditzione cullegados a sa traditzione.
Programma (dae su 26 de trìulas)
26 de trìulas
h 21,00 – Museu archeològicu Antiquarium Arborense (pratza Corrias): vìsita noturna (cun acumpangiadore turìsticu) a sa tzitade e a sas turres medievales – Su giru previdet de bìere sos logos e sos monumentos prus connotos de sa tzitade e de visitare sa turre medievale de Marianu II e sa Portixedda
h 22,00 – Esibitzione de su grupu folk de Aristanis
2 de austu
h 21,00 – Pinacoteca comunale Carlo Contini (carrera Sant’Antoni): vìsita noturna (cun acumpangiadore turìsticu) a sa mustra “De Ìnsula”
h 21,30 – Tzentru de Documentatzione Sartiglia “Laboratòrio piccoli artisti di Sartiglia” pro pitzinnos dae sos 4 a sos 12 annos
9 de austu
h 21,00 – Museu Antiquarium Arborense (pratza Corrias): vìsita (cun acumpangiadore turìsticu) e laboratòriu didàticu a sa mustra temporànea “Il popolo di bronzo”, in ue si podent bìere sos bestires, sas armas e sos trastos de traballu de sos brunzitos nuràgicos
h 22,00 – Esibitzione de su grupu folk de Aristanis
16 de austu
h 21,00 – Museu Antiquarium Arborense – “Laboratorio su Eleonora d’Arborea” e vìsita noturna (cun acumpangiadore turìsticu) a su tzentru istòricu de sa tzitade
h 22,00 – “Da chi fa”, ispetàculu pro pitzinnos cun trucca-bimbi, palloneddos e selfie
23 de austu
h 21,00 – vìsita a s’Archìviu Istòricu de su Comune de Aristanis e a sa Sala Retàulos de s’Antiquarium Arborense. S’Archìviu tenet unu patrimòniu archivìsticu importante meda, b’at finas unu documentu in contu de unu Retàulu pretziosu de su 1565 fatu dae su pintore Antioco Mainas. A pustis b’at a èssere sa vìsita a sa Pinacoteca de s’Antiquarium cun su contu chi faeddat de su Retàulu de Nostra Segnora de sos Consigieris
h 21,30 – Tzentru de Documentatzione Sartìglia: Laboratòriu “Piccoli scrittori di Sartiglia” pro pitzinnos dae sos 6 a sos 12 annos
h 22,00 – Ispetàculu de fogu e de lughe
30 de austu
Tzentru de Documentatzione Sartìglia – Premiatzione in Màscara. Dae sas 9 (h 21,00) s’ant a dare sos prèmios pro sas manifestatziones “Piccoli artisti di Sartiglia” e “Piccoli poeti di Sartiglia”. Cherende, sos pitzinnos ant a pòdere andare a su Tzentru de Documentatzione mascarados pro festare cun unu Carrasegare de Istiu.
h 22,00 – Ispetàculu de fogu e de lughe
(GF.P.)
