Pro dare un'agiudu a chie est interessadu a faeddare, iscrìere e impreare su sardu in sa vida de onni die, in su 2013 est nàschidu su sintetizadore vocale de limba sarda, chi podet faeddare chi podet faeddare in sardu partende dae s'iscritura. Si narat Sintesa e naschet dae unu progetu de s'Universidade de Casteddu (dipartimentu de Filologia, Literadura e Linguìstica).
In su grupu de traballu, coordinadu dae su professore Maurizio Virdis, b'aiat gente de totu sa Sardigna: Riccardo Mura (Locusantu), Massimo Cireddu (Teulada), Daniela Boeddu (Ilartzi), Roberto Bolognesi (Igrèsias) e sos informadores de Iscanu.
Sintesa dat sa possibilidade de ascurtare paràulas e fràsias in sardu registradas dae sa boghe de sos informadores, a manera chi chie cheret imparare a faeddare custa limba potzat tènnere unu puntu de riferimentu pro sa pronùntzia.
Pro nd'ischire de prus de custa bella faina si podet lèghere s'articulu de Francesco Cheratzu (editore de Condaghes, chi at curadu s'òpera) incarchende
inoghe.
(GF.P.)
